راه اندازی مانور نظامی روسیه و تاجیکستان در نزدیک مرز افغانستان

روسیه و تاجیکستان اعلام کردند که در برابر حمله احتمالی طالبان مانور نظامی چهار روزه را در نزدیک مرز افغانستان راه اندازی کردند.
وزارت دفاع تاجیکستان گفته در این مانورها بیش از ده هزار سرباز ذخیره ارتش تاجیکستان شرکت خواهند داشت.
به نقل از بی بی سی؛ در حدود چهارصد سرباز روسی به همراه 80 واسطه نظامی آن‌ کشور نیز در این مانور نظامی شامل اند.
همکاری‌های نظامی میان تاجیکستان و روسیه از سال 2014 که نیروهای بین‌المللی به رهبری آمریکا شروع به ترک افغانستان کردند، افزایش یافته است.
این نخستین بار است که چنین رزمایشی در منطقه کوهستانی “گورنو بدخشان” تاجیکستان انجام می‌شود که در نزدیکی ولایت بدخشان افغانستان واقع شده است.