عبدالله برای اشتراک در اجلاس مجمع اقتصادی جهان، به سویس رفت

ریاست اجرایی حکومت افغانستان از اشتراک داکتر عبدالله در نشست مجمع جهانی اقتصاد در شهر داووس سویس خبر داده است.

در یک خبرنامه دفتر مطبوعاتی ریاست اجرایی حکومت آمده است، دکتور عبدالله عبدالله امروز سه‌‌شنبه(2 دلو)، به دعوت رسمی مجمع جهانی اقتصاد وارد داووس سویس گردیده است.

گزارش شده که داکتر عبدالله در افتتاح این اجلاس اشتراک کرده و در چندین نشست درباره افغانستان، منطقه و جهان سخنرانی می‌کند. او هم‌چنین با تعدادی از نخست‌وزیران، روسای سازمان‌های بین‌المللی، نمایندگان عالی‌رتبه ‌کشورها، سازمان‌ها و شخصیت‌های بین‌المللی دیدار می‌کند.

اجلاس مجمع جهانی اقتصاد امسال امروز(2 دلو) برابر با 22 جنوری 2019 آغاز می‌شود و تا پنج روز ادامه می‌یابد.