تاجیکستان 80 زندانی افغانستانی را به دولت سپرد

تاجیکستان 80 شهروند افغانستان را که در این کشور در بند به سر می‎بردند، به حکومت افغانستان سپرده است.

صلاح‌الدین ربانی وزیر خارجه کشورمان در حاشیه نشست وزیران خارجه آسیای مرکزی با آقای امام علی رحمان؛ رئیس جمهور تاجیکستان داشت، خواستار اجرایی شدن موافقتنامه استرداد مجرمین میان دو کشور و انتقال زندانیان شد.

آقای رحمان نیز با استقبال از این درخواست وزیر خارجه افغانستان، دستور فراهم گردیدن تسهیلات لازم از سوی دولت این کشور در این زمینه را داد.

قرار است هشتاد نفر از شهروندان افغانستان که در تاجیکستان زندانی هستند، امروز برای ادامه محکومیت به کشور انتقال داده شوند.