اولین گروه داعش از افغانستان به تاجیکستان رسید

اولین گروه داعشی اعزامی از افغانستان به تاجیکستان در مرز این کشور با ازبکستان مجبور به درگیری با نظامیان تاجیکستانی شدند و پانزده تن آنان کشته و پنج تن شان بازداشت شدند.

کمیته دولتی امنیت ملی تاجیکستان با نشر اعلامیه‌ای عاملان حمله به پوسته مرزی این کشور در مرز با ازبکستان را از اعضای گروه تروریستی داعش عنوان کرد.
در اعلامیه آمده است: در جریان بازپرسی مهاجمین بازداشت شده معلوم شد که گروه مسلح تروریستی که به پوسته مرزی شماره 4 «عشق آباد» واحد نظامی «سلطان آباد» تاجکستان حمله کرد، در تاریخ 3 نوامبر سال جاری از ولسوالی «قلعه زال» افغانستان با دستور ویژه از مرز دولتی افغانستان عبور کرده و به قلمرو ناحیه «قبادیان» تاجیکستان وارد شدند. آنها پوسته مرزی «عشق آباد» را برای خود مناسب یافته و اقدام به تهاجم مسلحانه کردند.

بارها روسیه، کشورهای آسیای میانه، ایران و چین از دسیسه انتقال داعش و دیگر جنگجویانی که تحت حمایت غربی ها قرار دارند، به کشورهای شان ابراز نگرانی کرده اند.