اهدای نشانه دولتی سیدجمالدین افغان از سوی اشرف غنی به تادامیچی یاماموتو

ارگ ریاست جمهوری می گوید که محمد اشرف غنی در دیدار تودیعی و خداحافظی تادامیچی یاماموتو، نماینده ویژه دبیرکل سازمان ملل در افغاستان، نشانه دولتی سید جمالدین افغان را به او اهدا کرده است.

ارگ ریاست جمهوری امروز یک‌شنبه(3حمل) در یک خبرنامه گفته است که اشرف غنی شام روز گذشته در دیدار با تادامیچی یاماموتو، نماینده ویژه سازمان ملل متحد برای افغانستان، نشان دولتی علامه سید جمال الدین افغان را به او اهدا کرده است.

اشرف غنی در این دیدار از تلاش‌ها و انجام خدمات یاماموتو در افغانستان قدردانی کرده است.

این درحالی است که وظیفه تادامیچی یاماموتو به عنوان نماینده ویژه دبیرکل ملل متحد برای افغانستان پس از 5 سال پایان یافته و او روز گذشته افغانستان را ترک کرده است.