دیدار عبدالله و کرزی با سرپرست طالبان برای کابل

دفتر عبدالله عبدالله، رئیس شورای عالی مصالحۀ ملی می‌گوید که آقای عبدالله و حامد کرزی، رئیس‌جمهور سابق کشور با عبدالرحمان منصور، سرپرست طالبان برای کابل دیدار کردند و تأکید کردند که تأمین امنیت، حفط جان، مال، عزت شهروندان کابل، باید در صدر اولویت همه قرار داشته باشد.

عبدالله عبدالله با اشاره به‌ نگرانی‌های شهروندان کابل، گفت که برای بازگشت به زندگی عادی، لازم است تا مردم کابل از لحاظ مالی و جانی خود را محفوظ احساس کنند.

دفتر آقای عبدالله نیز می‌افزاید که عبدالرحمان منصور نیز اطمینان داده‌است که برای تأمین امنیت شهروندان کابل، از هیچ‌گونه سعی و تلاش دریغ نخواهد کرد.