- پنج‌شنبه, 29 سرطان 1402|14:01
- 0 نظر
رییس جمهور تاجیکستان خواستار تشکیل حکومت فراگیر با حضور همه اقوام در افغانستان شد
رییس جمهور تاجیکستان در اجلاس سران کشورهای عرب و آسیای میانه در جده بار دیگر خواستار تشکیل حکومت فراگیر با حضور همه اقوام در افغانستان شد.
رییس‌جمهور تاجیکستان در اجلاس سران کشورهای عرب و آسیای میانه در جده بار دیگر خواستار تشکیل حکومت فراگیر با حضور همه اقوام در افغانستان شد.
امام‌علی رحمان بر تضمین حقوق و آزادی همه اقوام و زنان در افغانستان تأکید کرد.
امام‌علی رحمان در این نشست افزود: «ما از ایجاد یک حکومت فراگیر که نماینده همه گروه‌های قومی، سیاسی و اجتماعی برای تضمین حقوق و آزادی‌های مردم، به‌ویژه زنان باشد، حمایت می‌کنیم.»
رییس‌جمهور تاجیکستان اضافه کرد که کشورش همیشه طرف‌دار راه‌حل مسالمت‌آمیز در افغانستان بوده است و حکومت فراگیر در افغانستان، زمینه‌ای برای صلح در افغانستان خواهد شد.
نام‌برده هم‌چنین از رهبران عرب و کشورهای آسیای میانه خواست تا در مبارزه با جنایات فراملی و قاچاق مواد مخدر هم‌کاری کنند.
نشست سران شورای هم‌کاری خلیج فارس و پنج کشور آسیای میانه، اُزبیکستان، ترکمنستان، تاجیکستان، قیرقیزستان و قزاقستان روز گذشته (چهارشنبه 28 سرطان) در جده برگزار شد.رئیس‌جمهور قرقیزستان نیز در این نشست وضعیت افغانستان را بسیار نگران کننده خواند.