د افغانستان دفاع وزارت وایی، پاکستان د افغانستان د ناامنۍ لپاره د وسله والو ډلو ملاتړ او هڅونه کوی او په دې لړ کې یې د نورستان د کامدېش پر لور څو ډلې رااستولې وې چې 28 کسان یې وژل شوی او 32 نور نیول شوی دی؛ دغه وزارت له هغو کسانو چې له دغو ډلو سره یوځای شوی، غوښتی چې له افغان ځواکونو سره اړیکه ونیسی او تسلیم شی.
د ا.ا ویاند وایی، پر کندهار، خوست او پکتیا ولایتونو د پاکستان پوځی رژیم د تېرې شپې بریدونو کې څلور ملکی وګړی شهیدان شوی دی؛ د هغه په وینا، دا ډول «بې احتیاطه او کرکجن اقدامات» د افغان ملت غوسه پاروی او د پاکستانی نظامیانو لپاره به ناوړه پایلې ولری.
د افغانستان د سوداګرۍ او پانګونې خونه وایی چې د دې خونې عمومی رییس په کابل کې د ایران له سفیر سره لیدلی او دواړو لورو د سوداګریزو اړیکو د پراختیا، د صادراتو او وارداتو د زیاتوالی او اقتصادی همکاریو په اړه خبرې کړې دی.
د خوست او کندهار سیمه ییزې سرچینې وایی، پاکستان نن سهار د دواړو ولایتونو پر بېلابېلو سیمو هوایی بریدونه کړی، خو ، په دغو بریدونو کې چا ته مرګ ژوبله نه ده اوښتې.
عبدالمتین قانع ویلی چې د افغانستان او پاکستان ترمنځ کړکېچ د دغو لیدنو له مهمو موضوعاتو څخه و او لورو د اختلافونو د حل او اړیکو د پیاوړتیا لپاره د ګډو هڅو پر دوام ټینګار کړی دی.
د افغانستان د امارتی شرکتونو عمومی رئیس د ایران د انرژۍ له وزیر سره د دواړو هېوادونو ترمنځ د برېښنا، څښاک اوبو او د فاضله اوبو د تصفیې په برخو کې د همکاریو په اړه خبرې کړی او د ایران د انرژۍ وزیر افغانستان ته تر 2000 مېګاواټه برېښنا د برابرولو لپاره د خپل هېواد چمتووالی اعلان کړی دی.
د پنجشېر ځایی چارواکی وایی، د لومړی ځل لپاره د دغه ولایت په عنابه ولسوالۍ کې د فیروزې یو کان موندل شوی او د زېرمې د کچې او کیفیت معلومولو لپاره یو تخنیکی ټیم سیمې ته استول شوی دی.
د صنعت او سوداګرۍ وزارت وایی چې د افغانستان او اوزبېکستان د سپکو صنایعو لومړنی ګډ نندارتون د دواړو هېوادونو د چارواکو په ګډون د اوزبکستان په ترمذ ښار کې د نړۍوال سوداګریز مرکز په ودانۍ کې پرانیستل شو.
د کډوالو په چارو کې د م.م عالی کمېشنر وایی، له ایران سره د افغان کډوالو ستونزو ته د رسېدنې په موخه په کابل کې پر درې اړخیزې ناستې سلا شوې او ټاکل شوې په اکټوبر کې په سویس کې هم د یوې نړۍوالې غونډې څنډه کې د افغان کډوالو د ستونزو او جبری ایستنې په اړه خبرې وشی.
که چېرې د امنیت شورا او د اتومی انرژۍ نړیوالې ادارې دې د قضاوت مرجع وی، باید په رښتینی ډول وپوښتل شی: آیا قانون د ټولو لپاره یو شان دی، که لوی ځواکونه قانون هغسې تفسیروی لکه څنګه چې د دوی په ګټه وی؟
د 1400 کال د زمری په نهمه د جمهوری نظام له سقوط وروسته د افغانستان او امریکا اړیکې له نامعلوم برخلیک سره مخ دی او تر ډېره د بندیانو پر تبادلې او ځینو امنیتی مسایلو محدودې پاتې دی.
نوموړی دغه راز د خواف ـ هرات اوسپنې پټلۍ هم یوه مهمه سوداګریزه لار بللې او ویلی یې دی چې له دې لارې د توکو د لېږد کچه په کال کې نږدې یو نیم میلیون ټنو ته رسېدلې ده.
محمد محقق، د افغانستان د اسلامی وحدت ګوند مشر، په یوه اعلامیه کې د هزاره ټولنې او شیعیانو په وړاندې د طالبانو د کړنو په کلکه نیوکه کړې او د دې ډلې کړنې یې د «طالبانو د استبدادی رژیم د ناکامۍ او بېوسۍ» نښه بللې او ویلی یې دی چې قومی او مذهبی تبعیض ته لمن وهل، نه د طالبانو د ځواک نښه ده او نه هم کولای شی د دې ډلې حکومت دوام ته مرسته وکړی.
طالبانو په تېرو څه باندې پنځو کالو کې ګڼ کسان په عام محضر کې او داسې چې لاسونه یې تړلی وو، په ډزو وژلی دی.