روسیه و تاجیکستان موافقت کردند که برای جلوگیری از گسترش درگیری ها از افغانستان به کشورهای آسیای مرکزی، محافظت از مرز تاجیکستان با افغانستان را تقویت کنند.
رییس جمهور روسیه می گوید در صورت نیاز برای مقابله با تهدیدهای امنیتی در مرز افغانستان از پایگاه نظامی خود در تاجیکستان استفاده می کند.
ولادیمیرپوتین رییس جمهور روسیه روز گذشته هنگام باز دید از تاجیکستان گفت، در صورت نیاز برای مقابله با تهدیدهای امنیتی در مرز افغانستان، از پایگاه نظامی این کشور در تاجیکستان استفاده خواهد کرد.
آقای پوتین از پس از دیدار با امام علی رحمانوف رییس جمهور تاجیکستان در دوشنبه به رسانه ها گفت، دو کشور به توافق رسیده اند که برای حفاظت از مرز تاجیکستان با افغانستان تلاش کنند.
به گفته وی، استفاده از پایگاه نظامی روسیه در تاجیکستان علیه تهدیدهای امنیتی احتمالی از مرز افغانستان نیز شامل توافق روسیه و تاجیکستان می باشد.
روسیه در تاجیکستان پایگاه نظامی دارد و این پایگاه در نزدیکی مرز با افغانستان مستقر است.
سران روسیه و تاجیکستان همچنین، آمادگی خود را برای همکاری در روند صلح افغانستان اعلام کرده اند.
روسیه از افزایش نا امنی ها و حضور داعش در افغانستان نگران است و آن را تهدیدی برای خود و کشورهای آسیای میانه می داند.
مقام های روسی اخیرا تایید کرده اند که برای مقابله با داعش با گروه طالبان تماس های را برقرار کرده اند.