مرز تاجیکستان به روی افغانستان باز شد

 مسوولان در اتاق تجارت و صنایع کشور می‌گویند که مرز تاجیکستان بعد از پنج روز به روی افغانستان باز شده است.
خان جان الکوزی، معاون اتاق تجارت و صنایع کشور گفته است که مرز تاجیکستان روز جمعه ( اول جدی) به روی افغانستان باز شده است.
گفتنی است که پیش از این آقای الکوزی گفته بود که کشور تاجیکستان مرزش را به روی افغانستان در منطقه آی خانم ولایت تخار و شیرخان بندر در ولایت قندوز مسدود کرده است.
پیش از این گزارش شده بود که پس از درگیری میان قاچاقچیانی که گفته می‌شود از افغانستان وارد تاجیکستان شده بودند با نیروهای امنیتی آن کشور، چند پولیس مرزی تاجیک کشته و زخمی شدند و به دنبال این رویداد مرز این کشور به روی افغانستان بسته شد.