ارگ ریاست جمهوری اعلام کرده که رییس جمهور غنی به ولایت بدخشان سفر کرده است.

ارگ گفته است که رییس جمهور غنی در راس یک هیات عالی رتبه دولتی، صبح امروز پنج شنبه(5جدی) به شهر فیض‌آباد، مرکز ولایت بدخشان رفته است.

قرار است رییس جمهور در جریان این سفر، ضمن اشتراک در مراسم افتتاح شماری از پروژه‌های عام‌المنفعه، با مسئولین، بزرگان، علما، جوانان و زنان ولایت بدخشان دیدارهای جداگانه داشته باشد.