د نورستان چارواکو بیا پر برګمټال ولسوالۍ د پاکستانی وسله والو طالبانو د برید او پکې د دغو وسله والو د درېیو تنو د وژل کېدو ترڅنګ د یوه افغان پولیس دټپی کېدو خبرورکړ. د نورستان امنیې قومندان جنرال محمد قسیم پیمان کلید ته وویل چې د تېرې شپې له اتو بجو وروسته تر یوولس نېمو بجو له څلورو غاړو پاکستانی وسله والو د برګمټال ولسوالۍ پر ودانۍ برید وکړ، چې د هغه په ویناد پولیسو له کلک غبرګون سره مخ شول. امنیې قومندان د تېرې شپې جګړه کې د یوه طالب سرګروپ په ګډون د درېیو پاکستانی طالبانو د وژلو ادعا کوی، خو دامنی، چې د دوى یو پولیس هم پکې ټپی شوى دى. وسله والو طالبانو تر اوسه د دې جګړې په اړه رسنیو ته څه نه دی ویلی، خو باید وویل شی، چې تېره ورځ د نورستان والی رسنیو ته پر دې ولسوالۍ د جګړې د پاى ته رسېدو خبره کړې وه. برګمټال، چې له اوسنی پاکستان سره شاوخوا دوه نېم سوه کیلومتره ګډه پوله لری، د تازه بریدونو پرې شاوخوا یوه اونۍ کېږی، خو لا هم مرکزی حکومت تربیا، بیا غوښتنو وروسته دې سیمې ته د ملی اردو ځواکونه نه دی لېږلی. د نورستان دا ولسوالی چې لږه موده مخکې او دغه راز تېرکال تر ورته بریدونو وروسته وسله والو طالبانو نیولې وه، یو شمېر خلک ورته د مرکزی حکومت نه پاملرنه هېواد ته زیانمونکې او د اندېښنې وړګڼی.