نن دسلواغې دوهمه د 1433 سپوږمیز کال د صفرې د میاشتې 28مه نېټه ده چې د 2012 میلادی کال د جنورۍ له 22مې سره برابره ده او د سرور کائنات، فخر موجودات، محمدرسول الله ص د رحلت او د هغه حضرت د قدرمن لمسی، حضرت امام حسن مجتبی ع د شهادت کلیزه ده. نو له همدې امله د نړۍ مسلمانان په ویر او ماتم کې ډوب دی. حضرت محمد ص په 11 سپوږمیز کال رحلت وکړ. پیغمبر اکرم ص له خپل رحلت وړاندې، نبوی شریعت اصول او ا حکام په لوړنظر او عطوفت سره په ښو لارو او په عین حال کې، متین او محکمه توګه بیان کړل ا و ددین د حقه معارفو په خپرولو او دودولو او په ترټولو غوره لاره یې د هغو په لارښوونه کې په ممکنه توګه هڅې وکړې. امام حسن مجتبی ع هم ددرېیم سپوږمیز کال د روژې مبارې د میاشتې په نیمایی شپه په مدینه منوره کې نړۍ ته سترګې رڼې کړې. امام حسن ع له خپل قدرمن پلار، حضرت علی اب ابی طالب کرم الله وجه سره کابو دېرش کاله یوځای او د حضرت علی کرم الله وجهه له لوړ اسلامی معارفه برخور شو او د هغه حضرت له شهادت وروسته یې لس کاله د مسلمانانو دامامت دنده او مقام پر غاړه درلود او د پنځوسم سپوږمیز کال د صفرې د میاشتې په 28مه نېټه، په 47 کلنۍ کې د اسلام ددښمنانو له خوا په زهرو مسموم او په شهادت ورسید. د حضرت محمد ص د رحلت او حضرت مام حسن مجتبی ع د شهادت په شپه او ورځ، دنورې اسلامی نړۍ د مسلمانانو په شان د اسلامی ایران خلک هم د مشهد او قم ښارونو په شمول په ټول هېواد کې په ویر کې ډوب دی. د ایران د اسلامی جمهوریت صداوسیما، د حضرت محمدص د رحلت او د امام حسن مجتبی ع د شهادت کلیزې له امله د نړۍ ټولو مسلمانانو او آزادی غواړو ته ډاډګیرنه وړاندې کوی.