امام‌علی رحمان، رییس‌جمهور تاجیکستان گفته است که طالبان سیاست تهاجمی تبعیض‌آمیز علیه قوم‌های مختلف افغانستان را دنبال می‌کنند.

آقای رحمان روز (پنج‌شنبه، 30 سرطان) در نشست سران کشورهای آسیای میانه در قرقیزستان گفته است که طالبان به‌رغم وعده‌هایی که داده‌اند مخالف تشکیل حکومت فراگیر در افغانستان هستند.

او افزوده است که طالبان سیاست تهاجمی تبعیض آمیز علیه قوم‌های مختلف افغانستان را دنبال می‌کنند.

قابل ذکر است که پس از به قدرت رسیدن طالبان در افغانستان، آنان روابط پُر تنشی با تاجیکستان داشته‌‌اند.

از سوی دیگر هم‌اکنون تاجیکستان میزبان چهره‌های جبهه‌ی مقاومت نیز است.