د هسپانیا صدراعظم په یوه نا اعلان شوی سفر افغانستان ته راغلى دى. د هسپانوی رسنیو په حواله چې له صدراعظم "مریانو راجوى" سره په دغه سفر کې د دفاع وزیر "پیډرو مورینس" هم ملتیا کوی. سرچینې زیاته کړې، چې د هسپانیا صدراعظم به د افغانستان له ولسمشر حامد کرزی او په دغه هېواد کې له خپلو سرتېرو سره هم وګوری. تېر کال د هسپانیا د صدراعظم په توګه تر ټاکل کېدو وروسته افغانستان ته د مریانو دا لومړى سفر دى. هسپانیا په افغانستان کې د ایساف تر چتر لاندې 1605 سرتېری لری؛ چې په لوېدیځو ولایتونو (هرات، فراه او بادغیس) کې مېشت دی. تر اوسه په افغانستان کې د هسپانتیا 34 سرتېری وژل شوی دی.