د افغانستان د کورنیو چارو وزارت وایی، چې د کوچنی اختر لپاره یې په ټول هېواد کې کلک امنیت تدابیر نیولی دی. د کورنیو چارو وزارت ویاند زمری بشری له ازادی راډیو سره په مرکه کې وویل، چې پولیسو ته د لومړی درجې احظاراتو امر شوی ترڅو د هرډول ممکنه ناامنۍ مخه ونیسی. بشری همداراز وویل، چې ټولې خواوې باید خلکو ته دا زمینه برابره کړی، چې د اختر شپې او ورځې په خوښۍ کې تیرې کړی. تردې وړاندې د سفما په نامه د خبریالانو ټولنې په جګړو کې له ټولو ښکیلو اړخونو غوښتی وو، چې د اختر په مناسبت دې په موقت ډول اوربند وکړی.