دکندهار ولایت دمیوند ولسوالۍ د لوى کاریز په مربوطاتو کی څو ورځی وړاندی د HDS موسسې پنځه تنه صحی کارکوونکی چې تښتول شوی وی ، نن خوشی شول. نوموړ کسان د میوند ولسوالى د ولسوال، قومی مشرانو او شوراء د غړو په هلوځلو دتښوونکو له منګولی خوشی شوی . دکندهار ولایت دعامې روغتیا رییس ډاکټر عبدالقیوم پخلا د برمته شوو صحى کار کوونکو په خوشی کیدو خوښی وښوده او وویل: «ډاکټران په هیڅ سیاسی ډلې پورې تړلی اشخاص نه دی د دوى یوازنۍ هدف خلګو ته صحی اسانتیاوی برابرول دی هغه اشخاص که په هر نژاد او هر مذهب پوری تړلى وی.» دیادولو وړه ده چې څو ورځې وړاندې د HDS موسسې پنځه کارکونکی د ناپیژدل شوو وسله والو کسانو لخوا برمته شوی ول ، چې اوس مهال خوشی شوی دی.