پاکستان کې سېلابونو 800 کسان وژلی

ملګرو ملتونو ویلی، چې پاکستان کې سېلابونو لږترلږه یو میلیون کسان زیانمن کړی دی. په دغو سېلابونو کې تر 800 ډېر کسان وژل شوی دی. د پاکستان لپاره د ملګرو ملتونو د ادارې د مرستو د همغږۍ مشر مانویل بیسلر ویلی، په ځینو ځپل شویو سیمو کې آن خپلو سیمه ییزو دفترونو ته هم نه شی تللى. ملګری ملتونه وایی، د پاکستان په شمال لوېدیځ کې به زیانمنو خلکو ته ډېر ژر، مرستې او خوراکی توکی ورسوی. رپوټونه وایی، چې د پېښور ښار چې لږترلږه درې میلیونه خلک پکې اوسېږی، له نړۍ سره یې اړیکه پرې شوې ده. د سېلابونو له کبله ګڼ پلونه، کلی او کورونه ویجاړ شوی دی. د پاکستان پوځ ویلی، د الوتکو په مټ هڅه کوی، چې سېلاب ځپلو سیمو ته ورشی او له زیانمنو کسانو سره مرسته وکړی. د پاکستانی چارواکو په وینا، دا په تېرو 80 کلونو کې تر ټولو ډېر خونړی او سخت سېلابونه دی. د پاکستان تر ولکې لاندې کشمیر کې بیا سېلابونو ډېرې ځمکې وړی دی.