کندهار کې 120 بورۍ امونیم نایتریت ونیول شول

د کندهار په دامان ولسوالۍ کې تېره ورځ 120 بورۍ امونیم نایتریت، چې په دوو ټېکټرو کې ځاى پرځاى شوی و دپولیسو له خواکشف او ونیول شول. دغه خبر د کندهار د والی له دفتره په یوه رالیږل شوې خبر پاڼه کې راغلى. خبر پاڼه زیاتوی، چې پولیسو د دغو کمیاوی موادو سره یوځاى څلور کسان هم نیولی دی . خبر پاڼه د امنیتی چارواکو له قوله لیکی، چې له نیول شویو کسانو څخه پوښتنې او گرویږنې روانې دی . د یادولو وړ ده، چې امونیم نایتریت یو ډول کیمیاوی مواد دی، چې د دولت ضد مخالفین یې د ماینونو په جوړولوکې کاروی .