خارجی ادارې له مالی فساد سره دمبارزې خنډ دی

دافغانستان ولسمشر په دغه هیواد کښې خارجی ادارې له مالی فساد سره دمبارزې خنډ وبللې . ایرکا خبری اژانس وایی دافغانستان ولسمشر کرزی نن ویل دافغانستان دځایی قوماندانانو او مسولانو په انتصاب کښې دامریکا او ناټو دلوړرتبه مسولانو لاسوهنه او دغه راز دکابل د حکومت موقعیت کمزوری کول په دغه هیواد کښې داداری فساد دپراختیا سبب شوی . دافغانستان و لسمشر زیاته کړه دحکومت له خبرولو پرته موازی جوړښتونه او ځینو حکومتی مامورانو ته دپیسو او نورو امکاناتو ورکول په دغه هیواد کښې داداری فساد ددودیدا لپاره زمینه برابروی . هغه وویل ترهغه وخته چې په افغانستان کښې ددخارجیانو اقدامات او خارجی ادارې ختمې نشی داداری فساد داصلاح لپاره اقدام به ډیر مشکل کار وی . کرزی وویل که چیرې ناټو دافغانانو په کورونو حملې بندې نکړی نو دنیواکګرانو په توګه به و پیژندل شی .