دپاکستان لومړی وزیر په سترې محکمې کې حاضر شو

زمونږ خبریال راپور ر اکړ، د پاکستان لومړی وزیر د دویم ځل لپاره په سترې محکمې کې په شتون سره، په ځان ټول تورونه رد کړل. یوسف رضا ګیلانی د یو شمیر ایتلافی ګوندونو له مشرانو او د کابینې له یو شمیر وزیرانو سره په سترې محکمې کې حاضر شوږ سترې محکمې لومړی وزیر، له دې کبله چې د آصف علی زرداری د دوسیې د پرانیستا لپاره د محکمې په حکم عمل نه دی کړی ، محکمې ته په سپکاوی تورن کړ. سترې محکمې په 2009 کال کې د ملی پخلاینې دفرمان په لغوه کولو سره په محکمې کې د زیات شمیر سیاستوالو ، حکومتی مارینو د فساد د دوسیو د پرانیستا حکم صادر کړ . یوسف رضا ګیلانی د جنورۍ په 19 په سترې محکمې کې په شتون سره ویلی وو، د اساسی قانون په اساس، ولسمشر قضایی مصونیت لری . ګیلانی بیګاه هم خبرداری ورکړی و ، که سترې محکمې د ده په خلاف رایه ورکړه نو حکومت او پارلمان ړنګ کیږی . سترې محکمې هم د دې دوسیې جا جول، دوه اونۍ وروسته وخت ته وځنډاوه .