رویټرز راپور ورکړی چې امریکایی ځواکونو د یکشنبې په ورځ د هرمز تنګی په لارک ټاپو کې د ایران د توغندیو دوه توغوونکی په نښه کړی دی. دا د جولای میاشتې له وروستیو راهیسې پر ایران د امریکا لومړی تایید شوی برید بلل کېږی.
یوه امریکایی چارواکی ویلی، د ایران د سپاه پاسداران ځواکونو چمتووالی نیوه چې د سمندری ماینونو لرونکی راکټونه د هرمز تنګی پر لور وتوغوی. د هغه په وینا، امریکایی ځواکونو له همدې امله یاد دوه توغوونکی په نښه کړل.
د ایران سپاه پاسداران ویلی، د امریکا په برید کې یو شمېر پوځی کسان او ملکی وګړی وژل شوی او ټپیان شوی دی.
له دغه برید څو ساعته وروسته، سپاه پاسداران اعلان وکړ چې د لارک ټاپو پر هدفونو د امریکا د برید په غبرګون کې یې په اردن کې د امریکا د «ملک حسین» او «الازرق» پوځی اډې په بالستیک توغندیو ویشتلې دی.
ایرانی رسنیو د دوشنبې په سهار د دغه برید راپور ورکړی دی.
اردن ویلی چې د دغه هېواد هوایی دفاعی سیستمونو اته توغندی، چې د اردن هوایی حریم ته ننوتلی وو، شنډ کړی دی. د لومړنیو راپورونو له مخې، په دغو بریدونو کې په دواړو اډو کې د مرګژوبلې راپور نه دی ورکړل شوی.
د تهران او واشنګټن ترمنځ د مستقیمو بریدونو بیا پیلېدل له څو اوونیو ځنډ وروسته رامنځته کېږی او دا د جولای له وروستیو راهیسې د دواړو لورو ترمنځ د پوځی بریدونو د تبادلې لومړۍ نوې لړۍ ده.